Heim | Skrambi

Velkomin á vef Skramba!

Bestu félagar frá árinu 1992

34 ár - Toppiði það!

Gagnaskrá og Staðan - 2026

13. ágúst 2026

Virðulegur Skrambi, Leifur Kristjánsson

Sælir félagar og takk fyrir daginn. Leitt ad vid gátum ekki verið samhangandi holl í dag en ábyrgðamenn völdu það frekar en ad færa okkur a annan völl þar sem Korpan er enn í Íslandsmeistara búningi. Vonum að það hafði verið rétt ákvörðun hjá okkur kæru félagar. Godu fréttirnar eru þær af við erum með fjögur samhangandi holl a korpunni næsta fimmtudag og byrjum 14:30. Úrslit dagsins komin á gagnasafn Skramba. Kíkið á skrambi.is

12. ágúst 2026

Virðulegur Skrambi, Leifur Kristjánsson

Okkur tókst ekki að ná samhangandi hollum fyrir morgundaginn í Korpunni en góðu fréttirnar eru þær að það tókst mun betur fimmtudaginn 20. ágúst. Þá verðum við allir saman í Korpunni eftir hádegi.

Á morgun erum við sem hér segir:

08:08 Jón Úlli

10:58 Leifur Karl Hjörtur Bragi

11:49 Hannes Haukur Júlli Arnar

13:06 Gustav Sverrir Jóhann Þorkell D

15:30 Palli Keli Siggi Illugi

10. ágúst 2026

Virðulegur Skrambi, Leifur Kristjánsson

Næsta mót er á fimmtudag 13. ágúst og er á Korpunni. Korpan skartar nú sínu fegursta enda Íslandsmótið ný afstaðið á Korpunni.

Það verður því spennandi að leika þarna á fimmtudag en það er mikil ásókn í völlinn.

Við erum bókaðir með fjóra rástíma á eftirfarandi tímum. 10:58, 11:49, 13:06 og 15:30.

Við munum fylgjast með og reyna að seinka tímunum ef það losnar eitthvað.

Af fyrri reynslu þá skýrist það ekki fyrr en að morgni 13. ágúst.

Mikilvægast er að skrá sig til leiks í golfmot.is, sem fyrst, svo við sjáum fjöldann. Ef tíminn hentar ekki á endanum þá er betra fyrir ábyrgðamenn að afskrá menn.

30. júlí 2026

Virðulegur Skrambi, Leifur Kristjánsson Takk fyrir daginn í dag, þokkaleg þáttaka en 15 voru skráðir til leiks en 14 mættu. Sól og volgur loftmassi var á okkur þennan daginn, þurrt en hvasst. Jón nokkur Ögmundsson endaði í fyrsta sæti en þó jafn Árna með 33 punkta. Þriðja sæti hneppti Arnarinn.

Golfmot er stöðugt í þróun og nú er komin samantekt móta

kíkið á Golfmot Skrambi#11

Þeir Arnar og Jón voru einnig með jafn marga punkta án forgjafara eða 22 kvikindi. Hjörtur vann sinn leik æí holukeppni og bíðum við eftir upplýsingum frá væng B, þeim Sigurði Einarssyni og Jóhanni Sveinssyni.

Skorið er einnig uppfært hér á þessari síðu, peningalistinn, holukeppnin ofl.

Kíkið á gagnaskrá og staðan.

25. júlí 2026

Virðulegur Skrambi, Leifur Kristjánsson - ...og til hamingju með daginn Illugi :-)

Síðasta mót var haldið í Þorlákshöfn og var það í boði Sverris, kærar þakkir fyrir það Sverrir. Við Þökkum þeim Gústaf Ó og Júlla einnig fyrir þeirra boð á dögunum.
Þátttakan var 10 félagar Skramba og stóð Árni Kvaran uppi sem sigurvegari dagsins. Árni sigraði með nokkrum yfirburðum en var með 37 punkta á meðan sá næsti var með 30. Árni gerði sér lítið fyrir og gerði Örn á þeirri 13, vel gert Árni. Kalli ekki með okkur í mótinu í Þorlákshöfn þar sem hann var upptekin við holu í höggi á Kropunni. Til hamingju með það Kalli.

Þegar fjórir Heðursmenn Skramba settu sig í stellingar síðasata miðvikudag og hugðust bóka tíma í Korpunni næsta fimmtudag, komu þeir að lokuðum kofanum þar sem völlurinn var lokaður allan daginn. Heiðursmenn sippuðu sér snarlega yfir á Grafarholtið, voru þar um 30-60 sekúndum síðar, en þá var allt farið. Líklegt er að við verðum því aftur í Þorlákshöfn næsta fimmtudag.

Menn eru að færa inn skor samviskusamlega og forgjöfin ávallt rétt og upðpfærð (að morgni leikdags). Við hvetjum félaga Skramba að setja skorið sitt ávallt inn í Golfbox hjá GSÍ til þess að viðhalda réttri forgjöf, að öðrum kosti eru þeir að leika með ranga forgjöf gagnvart félögum sínum í næsta móti.

Borið hefur á að félagar voru að hringja eða senda SMS í mótstjóra eftir að leik er lokið og leiðrétta skor sitt. Þetta heyrði þó til undantekninga, var vel ígrundað af hálfu ábyrgðamanna, og þurfti á stundum þegar félagar áttu í erfiðleikum með að skrá í golfmot.is. Nú virðist allt svínvirka og slíkar leiðréttingar ekki í boði.

Ásamt því að færa inn skorið jafnóðum í golfmot.is, hefur hvert holl með sér eitt skorkort til leiks, þar sem einn félagi skráir á blað fyrir allt hollið. Skorið er því einnig ritað á blað til vara. Að leik loknum er lesið upp úr símanum af þeim sem skráði í golfmot.is og yfirfarið af ritara skorkorts.

Kíkið á stöðuna og ýmislegt annað á Gagnaskrá og Staðan - 2026 sem einnig er að sjá ofarlega á þessari síðu.

18. júlí 2026

Virðulegur Skrambi, Leifur Kristjánsson

Síðasta mót var haldið í Leirunni á fimmtudag og var blautt eins og mörg önnur í sumar. Seinni níu var þó þurr. Til stóð að fara upp á Skaga en sama sagan þar hvað varðar veður. Þeir sem höfðu nýverið leikið Skagann nefndu að völlurinn hafi verið rennandi blautur og ekki skilað af sér eins vel og margir aðrir. Við vorum með frátekna tíma á báðum stöðum, þrjú holl á Skaganum en fjögur í Leirunni. 14 leikmenn voru skráðir til leiks og var því snúið til Leirunnar. Á endanum mættu þó aðeins 12 til leiks.

Skorið var uppfært strax að loknu móti í Gagnaskrá Skramba og virðist þetta góða samstarf við Einar hjá Golfmot.is vera að virka. Það veltur þó á að skor er fært inn í Golfmot appið á meðan leik stendur.

Til gamans má sjá samantekt hjá golfmot.is frá Meistaramóti Keilis á dögunum og sjáum við möguleikana með því að safna skorinu okkar rafrænt. Kíkið á Samantekt frá Meistaramóti Keilis

9. júlí 2026

Virðulegur Skrambi, Leifur Kristjánsson

Takk fyrir samveruna í dag kæru félagar, rættist úr veðri þótt hressilegar gusur hafi komið á stundum. Snorrinn gerði sér lítið fyrir og halaði inn 38 punktum og sigraði með talsverðum mun til Skrambatitils. Snorri var einnig bestur án forgjafar, til hamingjju með það Snorri. Staðan er nú uppfærð í Gagnaskrá Skramba. Allir gengu samviskusamlega frá sínu skori í Golfmot appinu og því úrslitum snarað inn á Gagnaskrá Skramba um hæl.

Næsta mót verður í Þorlákshöfn og við hefkjum leik um kl. 16:00. Flatargjöld eru í boði Sverris, og færum við honum kærar þakkir fyrir það.

9. júlí 2026

Virðulegur Skrambi, Leifur Kristjánsson

Þad skaust í kollinn hugmynd um ad vinna eitthvad med reglulega parakeppni / hitting hja pörum í Skramba. Ekki komid lengra en vid vinnum adeins med þetta. Hugmynd er ad kikja í Borgarnes, Öndverdarnes, Hellu eda eitth slikt og gefa okkur smá tíma með konunum.

Nafnið SkramPar passar í þad minnsta og við erum búin að senda þetta út í Messenger á þá félaga sem við vitum að spila golf. Endilega látið Kela vita ef hann er að gleyma einhverjum ykkar og þið hafið frú sem spilar. Sjáumst í Holtinu á eftir.

8. júlí 2026

Virðulegur Skrambi, Leifur Kristjánsson

Kæru félagar, við verðum í Grafarholtinu á morgun fimmtudag 9. júlí og eigum við þar rástíma fyrir 18 leikmenn. Við erum 14 skráðir til leiks, þar sem fyrsta holl er kl. 15:30,svo kemur eitt bil og þá þrjú í röð. Við eigum einnig frátekið kl. 16:51 sem mögulegt er að nýta. Við minnum á holukeppnina en fyrstu umferð á að ljúka 10. júlí. Við sjáum stöðuna í Gagnaskrá Skramba og linkur á stöðu í holukeppnina er einnig að finna þar, eða hér.

Það hefur gengið vel að nota golfmot.is undnafarið og flytja upplýsingar á þessa síðu ber að þakka f'elögum fyrir það. Skemmtilegt að segja frá því að Keilir er að styðjast við þetta kerfi í meistaramóti og er linkur á það hér til gamans, Meistaramót Keilis. Sjáumst hressir á morgun.

2. júlí 2026

Virðulegur Skrambi, Leifur Kristjánsson

Við kláruðum þetta í dag með sóma á Grafarholtsvelli þrátt fyrir lélega veðurspá. 11 Félagar Skramba mættu til leiks og einn gestur, aðrir í meistaramótum eða erlendis. Arnarinn var bestur í dag með 36 punkta en hann og Haukur voru jafnir án forgjafar með 24 punkta. Það bættist við Peningalistann og eru nú komnir 13 félagar á listann. Allir fylltu ít í Golfmot.is, takk fyrir það, og gögnin þaðan flutt í Gagnaskrá Skramba. Getum þurft þolinmæði á meðan þessu er hlaðið í fyrsta sinn í símann ykkar, ipad eða tölvu en annars svínvirkar þetta :-) (munið að þetta er í þróun og getur þurft leiðréttingar)

Munið Holukeppnina félagar en frestur á fyrstu umferð rennur út þann 10 júlí.

30. júní 2026

Virðulegur Skrambi, Leifur Kristjánsson

Frekar slæm veðurspá er fyrir fimmtudag og eru ábyrgðamenn að vakta verðurspárnar úr ýmsum áttum. Við gefum veðrinu séns á breytingum og fylgjumst með. Ábyrgðamenn og Heiðursmenn geyma það til morguns miðvikudags að ákvað með völl.

29. júní 2026

Virðulegur Skrambi, Leifur Kristjánsson

Kæru félagar Skramba. Mótið í Öndverðarnesi var ekki átakalaust þar sem við fengum gusu yfir okkur um tíma þannig að einhverjir urðu frá að hverfa.

Flestir luku þó leik og virtist veðrið ekki hafa truflað suma okkar því þeir félagar Júlli og Palli voru með 38 punkta. Í fyrstu virtist sem svo að einn punktur aðskildi þá en villa var í sjáfvirkri uppfærslu á forgjöf sem búið er að laga.

Við félagar Skramba erum í góðu samstarfi við Golfmot.is og flestir okkar félaga eru nú orðnir góðir í að skrá in skorið í Appið góða. Golfmot.is er nú tengt við samantekt á skori Skramba og má sjá nánar um það í Gagnaskrá Skramba. Þar sjáum við nú meðal annars upplýsingar um stöðu.

Félagar Skramba hafa séð nýja framsetningu á skori á þessum vef undanfarnar vikur og má nú sjá þetta nánar í gagnaskrá Skramba. Hver leikmaður getur einnig fylgst með sínum uppýsingum með því að smella á nafnið sitt undir Leikmenn í gagnaskránni (gæti þurft þolinmæði þegar verið er að skoða þetta í fyrsta sinn og verið er að hlaða niður upplkýsingum í símann).

Þrátt fyrir tengingu við Golfmot.is og sjálfvirkni, leggja ábyrgðamenn þó til að við látum ávallt eitt skorkort, útfyllt upp á gamla mátann, fylgja hverju holli.

Golfmot.is er mikill munur fyrir ábyrgðamenn og í samvinnu við Golfmot.is og gervigreindina settum við fram ofangreinda gagnaskráningu Skramba sem forvitnilegt er að kíkja á. Þetta er að sjálfsögðu í þróun og ber að skoða þetta með fyrirvara. Kíkið á Gagnaskráningu Skramba, en linkur þangað er að einnig að finna á þessu vefsvæði Skramba.

Í Öndverðarnesi ræddu menn næsta mót og var hugurinn til Hellu, Þorlákshafnar, Brautarholt eða Skagann. Nú er spáin verri í austurátt (Hellu) og því stefnum við í vesturátt á fimmtudag. Nánar um það síðar.

19. júní 2026

Virðulegur Skrambi, Leifur Kristjánsson

Mótið í gær fór fram á Leirunni eins og áður hefur komið fram, í alveg hreint ágætis veðri.

Þorkell Diego sigraði mótið með glæsibrag og var bestur bæði með og án forgjafar (37/27).

Uppfært skor er birt um leið og búið er að yfirfara skorkortin og mótstjórar sáttir.

Í gær fylltu allir út í golfmot.is án vandræða og búið að uppfæra stöðuna. Takk fyrir það kæru félagar.

Næsta mót var rætt meðal félaga í gær og er stefnt á annaðhvort Öndverðarnes eða Hellu.

Gott væri ef þeir sem hafa lokið holukeppni, tilkynni það til ábyrgðamanna. Þá verður sú staða einnig uppfærð.

16. júní 2026

Virðulegur Skrambi, Leifur Kristjánsson

Næsta mót verður í Leirunni á fimmtudag næstkomandi, 18. júní, og stefnum við á að bóka tíma í dag, 16. júní.... enda frídagur á morgun :-). Við hvetjum félaga Skramba til þess að fara inn á golfmot.is og skrá sig sem fyrst.

12. júní 2026

Virðulegur Skrambi, Leifur Kristjánsson

Fjórða Skrambamót sumarsins fór fram í gær í góðu veðri. Jóhann Sveinsson gerði sér lítið fyrir og fékk 38 punkta og sigrað i með yfirburðum. Til hamingju með það Jóhann. Einhver ruglingur var með forgjafamál leikmanna og munu frekari úrslit verða birt þegar ábyrgðamenn hafa farið yfir öll skor og forgjöf.

05. júní 2026

Virðulegur Skrambi, Leifur Kristjánsson

Staðan er komin á þennan vef en er nú með öðru sniði. Það er ekki búið að beintengja þetta við golfmot.is en það stendur þó til um helgina. Þetta var því slegið inn að þessu sinni þar sem vart er við óþolinmæði á ljóshjraðatímum :-)

Við hvetjum alla félaga að snúa sér nú að holukepninni og klára hana á tilsettum tíma.

Þið þekkið þessa síðu kæru félagar en til einföldunar eru linkar hér fyrir neðan. Athugið þó að forgjöfin er ekki endilega rétt skráð á þessum listum.

Munið að þið getið alltaf smellt á Skramba logoið uppi í vinstra horni til þess að fara aftur á þessa upphafssíðu.

27. maí 2026

Virðulegur Skrambi, Leifur Kristjánsson

Fyrsta mót félaga Skramba fór fram á fimmtudaginn 21. maí síðastliðinn en átti upphaflega að vera á laugardeginum 16. maí. Veður var þannig í Grindavík þann dag að ekki reyndist unnt að leika og var mótið því fellt niður. Góð þátttaka var í mótinu, eða nítjan félagar plús tveir gestir og lítur einnig út fyrir góða þátttöku á morgun fimmtudag. Niðurstaða til Skrambatitils er að finna á sínum stað á þessum vef en er nú með öðru sniði þar sem mynd er tekin úr golfmot.is. Kíkið á stöðuna hér.

Dregið var í holl fyrir morgundaginn og er það að finna í flipanum Mótaskrá sumarsins.

05. maí 2026

Virðulegur Skrambi, Leifur Kristjánsson

Takk fyrir veturinn kæru félagar og gleðilegt sumar. Á svæðinu Lok vetrar og fundur má lesa um hittinginn okkar í Golfhöllinni þann 2. maí síðastliðinn og meðal annars um sumarstarfið okkar.

28. apríl 2026

Virðulegur Skrambi, Leifur Kristjánsson

Nú er vetrardagskrá Skramba að ljúka og á laugardaginn 2. maí áætlum við að taka síðasta hringinn í hermi ásamt fundi á milli kl. 14:00-18:00. Kíkið á vetrarskrambi.

(tveir tímar rúmlega í hermi og tveir tímar tæplega í fund) .

20. janúar 2026

Virðulegur Skrambi, Leifur Kristjánsson

Gleðilegt nýtt golf ár kæru félagar. Búið er að ganga frá haustferðinni okkar og liggur leiðin aftur til Portúgals. Að þessu sinni á syðsta hluta landsins þar sem flogið verður til Faro. Kíkið að undirðsíðuna 34 ára afmælisferð.

Smellið hér til þess að sjá fleiri fréttir